Qeveria siriane dhe rebelët kanë shkëmbyer të burgosurit të shtunën, duke shënuar kështu një hap të rëndësishëm në ndërtimin mes palëve ndërluftuese në kuadrin e procesit të paqes të ndërmjetësuar nga Rusia, Irani dhe Turqia, ka deklaruar ministria e Jashme e Turqisë.

“Disa individë” u shkëmbyen njëkohësisht në veriperëndim të Sirisë, pranë qytetit të Al-Bab pranë Alepos, tha ministria duke e quajtur atë një “projekt pilot”, transmeton portali arbresh.info

Observatori Sirian për të Drejtat e Njeriut me bazë në Britani, i cili mbështetet në burimet në Siri, tha se 10 të burgosur nga çdo anë u shkëmbyen.

Rusia, Irani dhe Turqia po punojnë për të sjellë paqen në Siri nën atë që njihet si procesi i Astana.

Secili vend luan një rol kyç në konfliktin që filloi në mars 2011. Rusia dhe Irani kanë ndërhyrë në anën e qeverisë së Sirisë, duke siguruar mbijetesën e saj, ndërsa Turqia mbështet grupet rebele në Siri veriore për të parandaluar kurdët sirianë për krijimin dhe zgjerimin e territorit përgjatë kufirit të saj ./arbresh.info/